Diweddariad Pethau Bychain

Written by   in 

Yn dilyn y datblygiadau diweddaraf ac er mwyn diogleu ein cwsmeriaid a’n staff, rydym wedi penderfynu cau drysau siop Pethau Bychain am y tro. Byddwn dal yn gweithio ar archebion dylunio mewnol ac ar gael i dderbyn archebion defnyddiau, paent a deunydd i’r cartref. Cysylltwch gyda ni trwy sales@pethaubychain.co.uk / 01267 222251, 07974 351026 (Marian) neu 07969 299996 (Bethan). Cadwch yn saff ac fe welwn ni chi yn fuan. 

Ffenest newydd

Written by   in 
Beth y chi’n meddwl o’n ffenest newydd? Cyfle i arddangos defnydd bendigedig Jab Anstoetz, wedi ei ysbrydoli gan yr artist Monet.

Celfi’r Cymro

Written by   in 
Ni’n falch iawn i fod yn cydweithio gyda nifer o fusnesau lleol er mwyn creu dodrefn a dylunio mewnol ar gyfer eich cartref. Yr un diweddaraf yw Celfi’r Cymro sydd wedi creu y ddresel fendigedig hon. Mae ar gael mewn unryw liw a maint – o’ch dewis chi. Cysylltwch gyda ni am sgwrs. 

Casgliad Gwanwyn Thibaut

Written by   in 
Mae casgliad papur wal y Gwanwyn gan Thibaut wedi cyrraedd y siop, ac mae’n fendigedig! Dewch i gael golwg a thrafod eich syniadau gyda ni. Dyma flas i chi…

Lliwiau 2020

Written by   in 
Mae ein llawr dodrefn a dylunio mewnol wedi cael ychydig o weddnewidiad i gyd-fynd gyda’r lliwiau sy’n ffasiynol eleni. Beth y chi’n meddwl?

Sêl soffa

Written by   in 

Mae cynnig arbennig ar hyn o bryd ar y soffa fendigedig yma. Mae lawr o £1,800 i £1,300 ac yn mesur 190cm o hyd a 90cm o ddyfnder. Dewch i’w gweld neu ffoniwch ni am fwy o wybodaeth! (01267 222251)


Lliwiau’r Hydref

Written by   in 
Ar ôl haf hyfryd, ni’n edrych ymlaen yn fawr nawr at yr Hydref, ac rydym wedi diweddaru ffenest ein siop i adlewyrchu’r lliwiau hyfryd. Ni’n edrych ymlaen i ddiweddaru’r cartref yn barod ar gyfer nosweithiau teuluol adref dros yr Hydref gyda’r lliwiau yma!

Prosiect Dylunio Mewnol

Written by   in 
Dyma luniau o brosiect dylunio mewnol buon ni’n rhan ohono yn ddiweddar.  Roedd yn bleser gweithio mewn adeilad mor hyfryd a gwneud y mwyaf o’r ardaloedd byw yn y tŷ gyda’r golau ffantastig. Cysylltwch â ni os hoffech drafod prosiect – mawr neu bach!
Lluniau – Phil Boorman Photography

Aelod newydd o staff

Written by   in 
Ni’n falch iawn i groesawu aelod newydd o staff i’n tîm dylunio mewnol prysur. Croeso mawr i Bethan fydd yn gweithio fel rhan o’r tîm dylunio mewnol o’n stiwdio yng Nghaerfyrddin. Os hoffech chi drafod syniad neu brosiect gyda ni, cysylltwch gyda ni!

Swydd newydd

Written by   in 

Mae gwasanaeth dylunio mewnol Pethau Bychain wedi ei leoli yn y siop brysur yng nghanol tref Caerfyrddin. Mae’r busnes yn ymfalchio yn enw da y gwasanaeth mae’n ei gynnig, ac mae’r cwmni nawr yn awyddus i benodi unigolyn newydd a phrofiadol i ymuno â’r tîm prysur. Dyma gyfle arbennig i rywun ddatblygu eu gyrfa yn maes dylunio mewnol.

Rydym yn chwilio am berson profiadol yn maes dylunio mewnol a rheoli. Mae dealltwriaeth a gwybodaeth o ddefnydd a thecstiliau yn hollbwysig. Mae’r swydd wedi ei lleoli yng Nghaerfyrddin gyda disgwyl i deithio.

Mae’r cyflog yn ddibynol ar brofiad.  I ymgeisydd addas, cynigir peth hyfforddiant lle bo angen.

Lleiafswm o 4 diwrnod yr wythnos, oriau 9 tan 5.

I ymgeisio am y swydd, anfonwch eich CV a llythyr cais at sales@pethaubychain.co.uk erbyn canol dydd ar y dyddiad cau – 10 Mai 2019.